Բոսթոնի թանգարանում պահվող բացառիկ ցուցանմուշը` Տիգրան Մեծի դիմաքանդակով

ԱՄՆ-ի Բոսթոն քաղաքի՝ Գեղեցիկ արվեստների թանգարանն ունի մի բացառիկ ցուցանմուշ, որն ուղիղ կապ ունի հայկական ամենանշանավոր արքաներից մեկի՝ Տիգրան Մեծի հետ. խոսքը մ.թ.ա 1-ին դարով թվագրվող կարմիր հասպիս քարի մասին է, որի վրա փորագրված է Հայոց արքայից արքայի դիմաքանդակը՝ պրոֆիլից: Պատկերում Տիգրան Մեծը կրում է հայկական թագ՝ հինգ գագաթներով: Թագի վրա պատկերված է կենտրոնում շրջանի մեջ առնված ութաթև աստղը, որի երկու կողմերում թռչուններ են կանգնած (հավանաբար արծիվ)՝ մարմնով դեպի ետ, գլուխները դեպի աստղը շրջած: Թագի ներքևից մինչև ուսն է իջնում երկար ականջակալներն ու ու վզկալը:

Հնագետ և կոլեկցիոներ Էդվարդ Փերի Վորենի գրությունների համաձայն՝ քարը Զմյուռնա քաղաքից գնվել է 1900 թվականին, այնուհետև մեկ տարի անց այն ձեռք է բերել Բոսթոնի Գեղեցիկ արվեստների թանգարանը:
Տիգրան 2-րդը, ով առավել հայտնի է Տիգրան Մեծ անվամբ (մ.թ.ա. 95-55 թթ) կրել է արքայից արքա տիտղոսը, և նրա օրոք երկիրը դարձել է Արևելյան Հռոմի ամենակարևոր նահանգներից մեկը: Նա եղել է Արտաշեսյան դինաստիայի ներկայացուցիչ: Տիգրան Մեծի օրոք Հայակական թագավորության սահմանները ձգվել են Կասպից ծովից մինչև Միջեկրական ծով, որի արդյունքում նրա թագավորությունն ստացել է «Ծովից ծով Հայաստան» անվանումը: