Երևան`   +28 °C
Այսօր`   Երկուշաբթի, 22 հուլիսի, 2024 թ.

«100 հազ․ փախստականի դեպքում վրանային ճամբարներ են հայտնվում, մեր երկրում նման իրավիճակ չի եղել»․ Պապոյան

140
Ուրբաթ, 14 հունիսի, 2024 թ., 16:30
«100 հազ․ փախստականի դեպքում վրանային ճամբարներ են հայտնվում, մեր երկրում նման իրավիճակ չի եղել»․ Պապոյան

«ՀՀ կառավարությունը տասնյակ միլիարդավոր դրամների աջակցության ծրագրեր է իրականացրել արցախահայերի համար»,-ասաց ՀՀ էկոնոմիկայի նախարար Գևորգ Պապոյանը իր պաշտոնավարման 100 օրն ամփոփող ասուլիսի ժամանակ։

«Բիզնեսի աջակցության տեսանկյունից բազմաթիվ ծրագրեր ունենք։ Ցավոք, մեր պետության հնարավորությունները սուղ են, և հավասար մրցակցության և հնարավորությունների համադրության արդյունքում, թերևս, մեր առաջարկն է ԼՂ գործարարներին՝ օգտվեն առկա առաջարկներից։ Եթե կան բիզնես գաղափարներ՝ պատրաստ եմ ընդունել, քննարկել, թե ավելի կոնկրետ ինչ կարող ենք անել, և մեր գործող ծրագրերից օգտվեն»,-ասաց նա՝ անդրադառնալով այն հարցին, թե Արցախի գործարարներին ի՞նչ աջակցություն են ցուցաբերում, որոնք ամեն ինչ կորցրել են։ «Այո, մարդը կորցրել է ինչ-որ բան, հյուրանոց է կորցրել, բայց եթե հիմա ձեր առաջարկն է պետական բյուջեով հյուրանոց կառուցենք, իրեն տանք՝ դա շատ դժվար և խնդրահարույց բան է»,-ասաց նա՝ նշելով, որ աշխարհի զարգացած երկրներում 100 հազ․ փախստականի դեպքում հայտնվում են վրանային քաղաքներ, ճամբարներ. «Բայց մեր երկրում նման ոչ մի իրավիճակ չի եղել և դա բազմաթիվ հանգամանքներով է պայմանավորված»,-եզրափակեց նա։

«100 հազ․ փախստականի դեպքում վրանային ճամբարներ են հայտնվում, մեր երկրում նման իրավիճակ չի եղել»․ Պապոյան