«Փոխանակ հայկական քանդվող վանքերը նորոգեն». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը.

«Փոխանակ հայկական հին, քանդվող վանքերը նորոգեն,
Լոռու մարզի Ամրակից գյուղում գտնվող ռուսական Սուրբ Նիկոլայ Հրաշագործ եկեղեցու վերանորոգման համար կառավարությունը մրցույթ է հայտարարել: Ծրագրի արժեքը կազմում է 175 միլիոն դրամ։ 19-րդ դարում կառուցված ռուսական եկեղեցին ճարտարապետական մեծ արժեք չի ներկայացնում; Այդ եկեղեցին կարող էր նորոգվել Ռուսաստանում հայ մեծահարուստների՝ Սամվել Կարապետյանի, Արա Աբրահամյանի և այլոց ֆինանսավորմամբ, իսկ ՀՀ պետական բյուջեի գումարները պետք էր ուղղել քանդվող հնամենի հայկական վանքերի նորոգմանը։ Տավուշի մարզի անտառներում գտնվող հնամենի վանքերը՝ Կիրանցը, Առաքելոցը, Ջուխտակ վանքը, Սրվեղի վանքը, Դեղձնուտ, Մշակավանքը և այլ հին վանքեր ժամանակի ընթացքում քանդվում են, դրանց նորոգման համար տասնամյակներ շարունակ պետական բյուջեից ֆինանսավորում չի իրականացվում»: