«Տո՞ն, թե՞ ողբերգություն». Ավդեևկայի գրավման համար Ռուսաստանը տվել է 50 հազար զոհ
Ավդեևկայի համար ճակատամարտը խլեց ռուսական բանակի 50 հազար զինվորի կյանք։ Այս մասին փետրվարի 18-ին հայտնել է Ուկրաինայի Զինված ուժերի Տավրյան ուղղության պաշտպանության ուժերի մամուլի կենտրոնը։ Ըստ ուկրաինական կողմի՝ Ավդեևկայի վրա ռուսական բանակի լայնածավալ հարձակումը, որը սկսվել է 2023 թվականի հոկտեմբերի 10-ին, ավարտվել է ռուսական կողմի համար աներևակայելի կորուստներով՝ զոհվել է 47 հազար զինվոր, ոչնչացվել 364 տանկ, 248 հրետանային համակարգ, 748 զրահատեխնիկա, ավտոմեքենաներ և 5 ինքնաթիռ։ Հիշեցնենք, որ փետրվարի 18-ի գիշերը Ուկրաինայի Զինված ուժերի գլխավոր հրամանատար Ալեքսանդր Սիրսկին հայտարարեց Ավդեևվկայից Պաշտպանության ուժերի հաջող դուրսբերման մասին՝ դեպի քաղաքից դուրս նախապատրաստված բնագծեր։ Նահանջը հսկել է Ուկրաինայի Զինված ուժերի էլիտար 3-րդ գրոհային բրիգադը, որը ռուսներին թույլ չի տվել քաղաքի պաշտպաններին առնել «կաթսայի» մեջ։ Ռուս զինվորական, հայտնի բլոգեր Անդրեյ Մորոզովը՝ Մուրզը, գրում է. «Ավդեևկայի արյունալի գրավման համար ռուսական հրամանատարությունը չպետք է պարգևներ ստանա, այլ միասին բանտ նստի։ Ընդամենը 4 ամսում Ռուսաստանի Զինված ուժերի կորուստներն այս հատվածում գերազանցել են այն կորուստները, որոնք Ռուսաստանը կրել է աֆղանական պատերազմում»։ Մուրցը հայտարարել է, որ Ուկրաինայի ռազմական հրամանատարությունը հերթական անգամ վարպետորեն գերազանցել է ռուսականին և իր բոլոր ստորաբաժանումները դուրս է բերել ավերված Ավդեևկայից։ Մեկ այլ ռուս Մաքսիմ Կալաշնիկովը գրում է, որ Ռուսաստանը պետք է նշի ոչ թե տոն, այլ ողբերգություն. «Ռուսները չկարողացան շրջապատել ուկրաինական ստորաբաժանումները, որոնք կարողացան լքել ավերված քաղաքը։ Ավելին, ամիսներ տևած գրոհի ընթացքում ռուս զինվորականներն այնպիսի մեծ կորուստներ ունեցան, որ անհնար է տոնել Ավդիևկայի գրավումը։ Սա տոն է՝ արցունքոտ աչքերով։ Պարզվեց, որ ստորաբաժանումներից շատերն ուղղակի ջնջվել են երկրի երեսից»։ |
«Առողջականս լավ է»․ Բագրատ Սրբազան
5011:24«Պրոցեսները բնականոն զարգացում են ապրում»․ Գառնիկ Դանիելյան (տեսանյութ)
5411:18«Աշխարհում նման հայ չեմ ճանաչում, ով կարող է այսկերպ արտահայտվել Աստծո խոսքը քարոզողի մասին»․ Աբգար Պողոսյան
7011:00Բագրատ Սրբազանը Սուրբ Գրիգոր Լուսավորիչ եկեղեցում մասնակցում է պատարագի (տեսանյութ)
8610:30«Ովքեր շփում չեն ունեցել Սրբազանի հետ, լավ առիթ է՝ նրան ճանաչելու համար»․ Տ․ Նալչաջյան (տեսանյութ)
9710:24«Սա մեր վերջին «վեց ամիսը մեկն» է»․ Արա Վարդանյան
9509:54