Նավալնիի մայրը հրաժարվում է ընդունել որդու մահը
Ուղղիչ գաղութում մահացած ռուս ընդդիմադիր Ալեքսեյ Նավալնիի մայրը՝ Լյուդմիլա Նավալնայան, հրաժարվել է ընդունել ցավակցությունները։ Ֆեյսբուքյան իր էջում նա գրել է, որ չի հավատում որդու մահվանը։ «Ցավակցություններ չեմ ուզում լսել։ Մենք տեսանք մեր որդուն գաղութում [փետրվարի 12-ին], հանդիպել էինք: Նա ողջ էր, առողջ, կենսուրախ»,- ընդգծեց նա։ Ավելի վաղ Վլադիմիրի շրջանային դատարանը հայտնել էր, որ ընդդիմադիրը նախորդ օրը մասնակցել է Կովրովի քաղաքային դատարանի նիստերին և իրեն լավ է զգացել։ Նա հանդիպումներին մասնակցել է տեսակապով։ Փետրվարի 16-ին դաշնային քրեակատարողական ծառայությունը հայտնել է, որ Ալեքսեյ Նավալնին մահացել է «Բևեռային գայլ» թիվ 3 ուղղիչ գաղութում։ Զբոսանքից հետո նա վատ է զգացել և գրեթե անմիջապես կորցրել է գիտակցությունը։ Ընդդիմադիրի մահվան պատճառը, նախնական տվյալներով, պոկված թրոմբն է եղել։ Նշվում է, որ բժիշկները փորձել են վերակենդանացնել Նավալնիին, սակայն չեն կարողացել։ Միևնույն ժամանակ, ըստ ռեանիմատոլոգ Ալեքսանդր Պոլուպանի, որը բուժել է քաղաքական գործչին 2020 թվականի օգոստոսին, «թրոմբոէմբոլիզմի» ախտորոշումը, որ Նավալնիին տրվել է FSIN-ում, չարտոնված է և կարող է հաստատվել միայն դիահերձման արդյունքների հիման վրա։ Նա բացատրել է, որ զննել է ընդդիմադիրին և նրա մոտ թրոմբոէմբոլիայի վտանգ չի հայտնաբերել։ |
«Նոր Նորքի 1-ին զանգվածից ոստիկանները բերման են ենթարկել անչափահաս երեխաների». Սյուզի Բադոյան (լուսանկար, տեսանյութ)
1917:54«Ինչ ունենք այս պահին». Վահե Հովհաննիսյան
3117:48«Փաշինյանից իջեցված հանձնարարություն է». Տիգրան Աբրահամյան
4617:36«Եթե շարժումը կազմավորված է այսպիսի պատանիներից, ապա ռեժիմին հաշված ժամեր են մնացել». Վահան Հովհաննիսյան (տեսանյութ)
4417:30«Այս մարդկանց ազատության մեջ գտնվելը մեծ իմպուլս կհաղորդեր իրադարձություններին». Տիգրան Աբրահամյան
6316:54«Թարգեք, շատ զզվելի է». Լուսինե Թովմասյան (տեսանյութ)
7116:36