Երևան`   +4 °C
Այսօր`   Ուրբաթ, 23 փետրվարի, 2024 թ.

Մայր Աթոռում կատարվեց Տեառնընդառաջի նախատոնակը

174
Երեքշաբթի, 13 փետրվարի, 2024 թ., 23:30
Մայր Աթոռում կատարվեց Տեառնընդառաջի նախատոնակը

Մայր Աթոռից հայտնում են. «Փետրվարի 14-ին Հայաստանյայց Առաքելական Սուրբ Եկեղեցին նշելու է Տեառնընդառաջի տոնը, որը խորհրդանշում է 40-օրյա մանուկ Հիսուսի ընծայումը տաճարին։

Բերկառատ տոնի սկիզբն ազդարարվեց փետրվարի 13-ի երեկոյան։ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ, Սուրբ Գայանե վանքում Մայր Աթոռ Սուրբ Էջմիածնի միաբանության մասնակցությամբ կատարվեց Երեկոյան ժամերգություն:

Հավարտ ժամերգության, հանդիսապետությամբ Ամենայն Հայոց Կաթողիկոսի, տեղի ունեցավ նախատոնակ, որից հետո կատարվեց տարվա առաջին Անդաստանը՝ օրհնվեցին աշխարհի չորս կողմերը:

Այնուհետև «Քրիստոս փառաց» տաղի երգակցության ներքո Սուրբ Գայանե վանքի Խորանի կանթեղից վառված մոմով Նորին Սրբությունը Հիսուս Քրիստոսին խորհրդանշող կենսատու լույսը փոխանցեց ներկա հավատավոր ժողովրդին:

Նախատոնակից հետո հոգևորականների թափորն ուղղվեց դեպի միաբանական շենքի շրջափակ, ուր, ներկայությամբ բազում հավատացյալ հայորդիների, ձեռամբ Հայոց Հովվապետի, վառվեց Տեառնընդառաջի խարույկը: Նորին Սրբությունը նաև հավատավոր հայորդիներին ընծայեց խաչեր:

Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի կողմից Տեառնընդառաջի տոնը հռչակվել է նորապսակների օրհնության օր: Այս կապակցությամբ փետրվարի 14-ին՝ եկեղեցիներում մատուցվելիք Սուրբ Պատարագի ավարտին, կկատարվի նորապսակ զույգերի օրհնության կարգ:

Մայր Աթոռում կատարվեց Տեառնընդառաջի նախատոնակը
Մայր Աթոռում կատարվեց Տեառնընդառաջի նախատոնակը
Մայր Աթոռում կատարվեց Տեառնընդառաջի նախատոնակը
Մայր Աթոռում կատարվեց Տեառնընդառաջի նախատոնակը
Մայր Աթոռում կատարվեց Տեառնընդառաջի նախատոնակը
Մայր Աթոռում կատարվեց Տեառնընդառաջի նախատոնակը