Աբխազիայի կենտրոնական պատկերասրահի գրեթե ողջ ֆոնդն այրվել է. ամենայն հավանականությամբ` պատճառը հրկիզումն է եղել

Աբխազիայի պատկերասրահում բռնկված հրդեհի պատճառ կարող էր լինել հրկիզումը
Աբխազիայի նկարիչների միության արվեստի պատկերասրահում բռնկված հրդեհի պատճառ կարող էր լինել հրկիզումը, հայտնում է տեղի ՆԳՆ մամուլի ծառայությունը։ Այրվել է 4000 նկար. փրկվել է ընդամենը 150 աշխատանք։ Նախնական տվյալներով՝ հրդեհը տեղի է ունեցել մոտավորապես ժամը 03:30-ին։ Դիտարկվում են հրդեհի բոլոր հնարավոր վարկածները, այդ թվում՝ հրկիզումը»,- ասվում է Աբխազիայի ՆԳՆ հաղորդագրության մեջ։ Պատկերասրահի տնօրեն Սուրամ Սաքանիան, վկայակոչելով ականատեսներին, ասել է, որ հրդեհը սկսվել է տանիքից։

Հունվարի 21-ի գիշերը հրդեհվել է Աբխազիայի նկարիչների միության կենտրոնական ցուցասրահը։ Ամբողջությամբ այրվել է Ազգային պատկերասրահի աբխազ և օտարերկրյա նկարիչների՝ 4 հազար նկարներից բաղկացած հավաքածուն։ Դրանց թվում էին Աբխազիայի առաջին պրոֆեսիոնալ նկարիչ Ալեքսանդր Չաչբա-Շերվաշիձեի աշխատանքները։