Ադրբեջանը պատերազմում է խաչքարերի դեմ

963

Կիրակի, 07 հունվարի, 2024 թ., 13:06

Արցախի «Պատմական միջավայրի պահպանության պետական ծառայությունը» լուսանկարներ է տարածել ֆեյսբուքյան էջում՝ կից գրառմամբ․ «Ադրբեջանը պատերազմում է խաչքարերի դեմ։ Արցախում իրականացված ցեղասպանական գործողություններից, էթնիկ զտումներից՝ տարածքը բնիկ հայերից մաքրելուց հետո, Ադրբեջանը պատերազմ է հայտարարել հայկական արժեքներին։ Ադրբեջանցիներն այս անգամ ավերել են Մարտակերտ քաղաքի Դանիել Վարուժանի փողոցում գտնվող Հարութ Բաբայանի և Գարիկ Մնացականյանի հիշատակն հավերժացնող խաչքարը։ Այն կանգնեցվել էր 2021 թվականի հոկտեմբերին Հարութ Բաբայանի հոր՝ Ռաշիդ Բաբայանի մտահղացմամբ ու անձնական միջոցներով»։

Աղբյուրը` Արցախի «Պատմական միջավայրի պահպանության պետական ծառայություն»