Սերբիայի նախագահը ցրել է խորհրդարանն ու դիմել ժողովրդին

Սերբիայի նախագահ Ալեքսանդր Վուչիչը ցրել է խորհրդարանը և դեկտեմբերի 17-ին նշանակել արտահերթ ընտրություններ, հաղորդում է РТС-ն։ Վուչիչը՝ դիմելով ժողովրդին, հայտնել է Կոսովոյի և Մետոխիայի հարցով երկրի վրա մոտալուտ ճնշման մասին։ «Մենք ապրում ենք ամբողջ աշխարհի համար դժվարին ժամանակաշրջանում, երբ բոլորս պետք է միավորվենք ազգային և պետական կենսական շահերի պահպանման համար պայքարում»,- ասել է նա: