«Վագներ»-ը հաստատում է Պրիգոժինի մահը

«Մենք Ռուսաստանի հետ ենք» հասարակական շարժման ղեկավար Վլադիմիր Ռոգովը թելեգրամյան իր էջում հայտնել է, որ «Վագներ» ՄՌԸ-ից հաստատել են Եվգենի Պրիգոժինի և հրամանատարներից Դմիտրի Ուտկինի մահը։ Ռոգովը նշել է, որ քիչ առաջ է խոսել ՄՌԸ-ի ներկայացուցիչների հետ։

Ավելի վաղ հայտնել էինք Տվերի մարզում կործանված ինքնաթիռի մասին։

Նշենք, որ ոչ Կրեմլը, ոչ Ռուսաստանի ռազմական գերատեսչությունը մինչ այս պահը պաշտոնապես չեն հաստատել Պրիգոժինի մահը։