Հայ կոմպոզիտորական արվեստի փառատոնը հնչեցնում է ժամանակակից կոմպոզիտորների ստեղծագործությունները

Հայ կոմպոզիտորական արվեստի 14-րդ փառատոնի շրջանակում կայացած համերգի ընթացքում Հայաստանի պետական սիմֆոնիկ նվագախումբը կատարեց Դավիթ Սաքոյանի Պասակալիա և ֆուգա թիվ 2-ը՝ գրված սիմֆոնիկ նվագախմբի համար, Արամ Սաթյանի Թավջութակի կոնցերտը, Ջիվան Տեր-Թադևոսյանի Սիմֆոնիա թիվ 5-ը՝ «Պագանինի», որը նվիրված է Դմիտրի Շոստակովիչին։ Նվագախմբի հետ ելույթ ունեցավ թավջութակահար, մի շարք միջազգային մրցույթների դափնեկիր Դավիթ Եժովը։

Հայ կոմպոզիտորական արվեստի 14-րդ փառատոնի փակման համերգը տեղի կունենա վաղը՝ ապրիլի 20-ին, ժամը 19։00-ին, Արամ Խաչատրյան համերգասրահում։ Երեկոյի ընթացքում Հայաստանի պետական սիմֆոնիկ նվագախումբը Սերգեյ Սմբատյանի ղեկավարությամբ կկատարի Սուրեն Զաքարյանի, Տիգրան Մանսուրյանի և Գրիգոր Եղիազարյանի ստեղծագործությունները։

Հիշեցնենք, որ Հայ կոմպոզիտորական արվեստի փառատոնը ՀՀ ԿԳՄՍ նախարարության աջակցությամբ կազմակերպել են Հայաստանի պետական սիմֆոնիկ նվագախումբը և Հայաստանի կոմպոզիտորների միությունը։