«Սա պետք է ազդակ լինի Ճարտարապետների պալատի նախագահի ու իր տեղակալների համար». Սարհատ Պետրոսյան

Կադաստրի կոմիտեի նախկին ղեկավար Սարհատ Պետրոսյանի գրառումը. «Հովհաննես Մութաֆյանի քայլը շատ հասկանալի է, քանի որ, ցավոք, Հայաստանի ճարտարապետների պալատի նոր խորհրդի ու նախագահի ընտրության արդյունքում մենք ոչ միայն չենք կարողանում նոր որակ հաղորդել (իմ կողմից բազմաթիվ անգամներ քննադատված) պալատի աշխատելաոճին, այլև կազմակերպչական ու աշխատանքային մթնոլորտի առումով ունենք հետընթաց։
Կիսելով պալատի խորհրդի անդամությունից հրաժարվելու նամակում ներկայացված մտահոգությունները, կարծում եմ այն պետք է ազդակ լինի նախևառաջ պալատի նախագահի ու իր տեղակալների, ապա խորհրդի բոլոր անդամների համար։ Հակառակ դեպքում սա չի լինելու միակը, քանի որ, ինչպես երեկ պարզվեց, շատերս ենք կիսում Մութաֆյանի մտահոգությունները...
Հ.Գ. - Ի դեպ, Հովհաննես Մութաֆյանի հետ բազմաթիվ քաղաքային մասնագիտական խնդիրների վերաբերյալ ունենք ամբողջովին հակառակ պատկերացումներ (օրինակ Ֆիրդուսի թաղամասի կառուցապատման), բայց դա չի նշանակում, որ նրա կողմից բարձրացված մտահոգություններին պետք չի երկրորդել, օրինակ, թայֆաբազության կոնտեքստում»։