«Անտառտնտեսության տնօրեններ են նշանակվում օրվա իշխանության հովանավորությունը վայելող անձինք». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է. «Մրցույթներ անտառտնտեսության տնօրենների «յուղոտ» պաշտոնների համար
ՀՀ անտառային կոմիտեն տեղեկացնում է, որ «Հայանտառ» ՊՈԱԿ-ը հայտարարել է «Դսեղի անտառտնտեսություն», «Թումանյանի անտառտնտեսություն» «Վանաձորի անտառտնտեսություն» «Իջևանի անտառտնտեսություն» մասնաճյուղերի տնօրենների թափուր պաշտոները զբաղեցնելու մրցույթներ։ Ուշագրավ է, որ անտառտնտեսությունների տնօրեններին մրցույթով ներկայացվող պահանջների մեջ չկա անտառագիտական կամ բնագիտական կրթություն ունենալը։ Անտառտնտեսության տնօրեններ են նշանակվում օրվա իշխանության հովանավորությունը վայելող անձինք, և այդ կանոնը անխափան գործում է մշտապես, քանզի անտառտնտեսության տնօրենի պաշտոնը «յուղոտ» է։