Թուրքիայի Իսկենդերունի նավահանգիստը շարունակում է այրվել

Թուրքիայի հարավային Հաթայ նահանգում գտնվող Իսկենդերուն բեռնարկղային նավահանգիստը երրորդ օրն է շարունակում է այրվել, հրշեջները դեռևս չեն կարողանում ամբողջությամբ վերահսկել կրակը։ Հիշեցնենք, որ հրդեհն սկսվել էր երկրաշարժի հետևանքով:

Այս մասին ուղիղ եթերում հայտնում է Habertürk հեռուստաալիքը։

Հեռուստաալիքի ցուցադրած կադրերը ցույց են տալիս, որ նավահանգստից դեռ բարձրանում են ծխի խիտ ամպեր։ Պայթյունների հետևանքով հրդեհի մեծ բռնկումները պարբերաբար տեսանելի են: Պայթյունների աղբյուրը որոշ տարաների պարունակությունն է, որը պայթում է բռնկման գոտում բարձր ջերմաստիճանից։

Հրշեջները բառացիորեն մետր առ մետր ետ են գրավում տարածքը հրդեհից՝ առատորեն ցողելով ջրով, որպեսզի կանխեն հրդեհի տարածքի վերաընդլայնումը։

Հրդեհի մարումը կատարվում է օդից, ցամաքից և ծովից։ Դրանում ներգրավված են Թուրքիայի զինված ուժերի, երկրի գյուղատնտեսության նախարարության ինքնաթիռներ, պոմպերով ծովային քարշակներ, ցամաքային հրշեջ բրիգադներ և ՌԴ-ից ուղարկված Արտակարգ իրավիճակների նախարարության Be-200 երկկենցաղ ինքնաթիռ։