«Խորշի մեջ հայտնաբերվեցին մոտ երեք տասնյակ ջնարակված թասիկներ». Արման Նալբանդյան

Հնագետ Արման Նալբանդյանը ֆեյսբուքյան իր էջում գրել է. «Լոռեբերդ ամրոցի պարսպին հարող հատվածներից մեկում, մի կիսաշրջանաձև խորշի մեջ հայտնաբերվեցին, հավանաբար մոտ երեք տասնյակ ջնարակված թասիկներ՝ երկրաչափական, բուսական զարդանախշերով ու թռչունների պատկերներով (կաքավ?)։
Զարգացած միջնադարի այս հոյակապ հավաքածուն չափազանց կարևոր հայտնագործություն էր ամրոցի շերտագրական ու մշակութային պատկերը լիարժեք ստանալու համար»։