Ուկրաինան ազատագրել է Վիսոկոպոլյեն

Խերսոնի շրջանի Վիսոկոպոլյե գյուղում բարձրացվել է Ուկրաինայի պետական ​​դրոշը, հայտնել է Ուկրաինայի նախագահի աշխատակազմի ղեկավարի տեղակալ Կիրիլո Տիմոշենկոն։

«Վիսոկոպոլ. Խերսոնի շրջան. Ուկրաինա. Այսօր»,- գրել է նա սոցցանցում։

Տիմոշենկոն բարձրացված դրոշով լուսանկար է հրապարակել, սակայն գյուղի ազատագրման մասին պաշտոնական տեղեկություն առայժմ չկա։