Եվրոպան կարող է վերապատրաստել ուկրաինացի դիպուկահարներին

Եվրոմիությունը կարող է օգնել Ուկրաինային սակրավորների և դիպուկահարների պատրաստման հարցում: Այս մասին հայտնում է Bloomberg-ը։

Գործակալության տվյալներով՝ Կիևի իշխանությունները դաշնակիցներին տեղեկացրել են, որ իրենց անհրաժեշտ է սակրավորների, դիպուկահարների վերապատրաստում, սպաների բժշկական ու ռազմական պատրաստություն։

«Ուկրաինայի ԶՈւ-ի հետագա հաստատումից և գործընկերների հետ խորհրդակցելուց հետո, ներառյալ՝ ԱՄՆ-ը և Մեծ Բրիտանիան, վերոնշյալ առաջադրանքներից մեկը կամ մի քանիսը կարող են օժանդակվել որպես ԵՄ ուսումնական առաքելության մաս»,- ասվում է փաստաթղթում:

Միևնույն ժամանակ, «առաքելության տեղակայումը զգալիորեն կարագացվի», եթե ԵՄ-ի՝ Ուկրաինային հարևան երկրներից մեկն առաջարկի հյուրընկալել առաքելությունը։

Գործակալության աղբյուրը հայտնել է, որ ԵՄ երկրներից առնվազն մեկը մտահոգություն է հայտնել առաքելության վերաբերյալ, քանի որ դա կարող է հանգեցնել Ռուսաստանի հետ հարաբերությունների սրման։