Երևան`   +34 °C
Այսօր`   Չորեքշաբթի, 10 օգոստոսի, 2022 թ.

Ուկրաինան հայտարարել է Օդեսայի շրջանի լիակատար ազատագրման մասին

685
Հինգշաբթի, 30 հունիսի, 2022 թ., 22:30
Ուկրաինան հայտարարել է Օդեսայի շրջանի լիակատար ազատագրման մասին

Ուկրաինայի զինված ուժերն ամբողջությամբ ազատագրել են Օդեսայի շրջանի տարածքը ռուսական զորքերից։ Այս մասին երեկոյան ամփոփում հայտնել է Ուկրաինայի զինված ուժերի գլխավոր շտաբը։

«Չդիմանալով մեր հրետանու, հրթիռային և ավիացիոն ստորաբաժանումների կրակային ազդեցությանը՝ ռուսական զորքերը հեռացան Զմեյնի կղզուց։ Այսպիսով, Օդեսայի շրջանն ամբողջությամբ ազատագրված է»,- ասվում է հաղորդագրության մեջ։

Միաժամանակ, գլխավոր շտաբը նշել է, որ ռուսական զորքերի «Կալիբր» տիպի ծովային թևավոր հրթիռների երեք կրիչներ պատրաստ են Սև ծովում հրթիռային զենք կիրառելու համար։