«Շենք չենք շրջափակում, այսօր այդ նպատակով չենք». Իշխան Սաղաթելյան

Փաշինյանի հրաժարականի պահանջով երթը շարունակվում է: Ընդդիմադիրներն Արդարադատության նախարարության շենքի մոտ են, պատգամավորները պահանջում են հանդիպում նախարարի հետ: Շարժման համակարգող Իշխան Սաղաթելյանը հայտարարեց. «Ոստիկանների հետ կոնֆլիկտի չենք բռնվում, մենք այստեղ ենք մի նպատակով, որպեսզի մեր պատգամավորները հանդիպեն նախարարների հետ, հասկանան նրանց դիրքորոշումն Արցախի հարցում»: Նա նաև հավելեց, որ այսօր շենք չեն շրջափակելու, «այսօր այդ նպատակով չեն»:

Նշենք, որ այս շենքում է գտնվում ոչ միայն Արդարադատության նախարարությունը, այլ նաև ԿԳՄՍՆ-ն ու ԱԳՆ-ն։