Սիրիան Թուրքիային մեղադրում է էթնիկ զտումներ իրականացնելու համար

Թուրքիայի գործողությունները սիրիական տարածքներում՝ ուղղված անվտանգության գոտի ստեղծելուն, ագրեսիայի ակտ են, հայտարարել է Սիրիայի ԱԳՆ-ն:

Սիրիայում «այսպես կոչված անվտանգության գոտի» ստեղծելու՝ «թուրքական ռեժիմի» գործողությունները հայտարարության մեջ որակվում են որպես ամոթալի ագրեսիա, ինչպես նաև էթնիկ և աշխարհագրական զտումների քաղաքականության մաս։ «Դա իրականացվում է սիրիական օկուպացված տարածքներում Ռեջեփ Թայիփ Էրդողանի կառավարության կողմից։ Սա ռազմական հանցագործություն է և հանցագործություն մարդկության դեմ»,- ասվում է Սիրիայի ԱԳՆ հայտարարության մեջ:

Երկրի ինքնիշխանությունը չի դառնա Թուրքիայի և Արևմուտքի միջև շանտաժի և սակարկության առարկա, ընդգծվում է հայտարարության մեջ։