ՌԴ-ում արգելափակվել է WikiArt մշակույթի առցանց հանրագիտարանի կայքը

Ռոսկոմնադզորը սահմանափակել է հասանելիությունը WikiArt կերպարվեստի առցանց հանրագիտարանի կայքին:

Ռեսուրսը Ռոսկոմնադզորի ռեգիստր է մուտքագրվել Գլխավոր դատախազության պահանջով՝ ապրիլի 25-ին և 26-ին: Արգելափակման հիմք է հանդիսացել «Տեղեկատվության, տեղեկատվական տեխնոլոգիաների և տեղեկատվության պաշտպանության» օրենքի 15.3 հոդվածը (զանգվածային անկարգությունների, ծայրահեղական գործունեության կամ սահմանված կարգի խախտմամբ անցկացվող զանգվածային (հրապարակային) միջոցառումներին մասնակցելու կոչերի արգելք, սոցիալապես ոչ հավաստի տեղեկատվության տարածում և այլն):