Ճապոնիան անօդաչու սարքեր և քիմպաշտպանության միջոցներ կտրամադրի Ուկրաինային

Ճապոնիան, Կիևի խնդրանքով, Ուկրաինա կմատակարարի անօդաչու թռչող սարքեր, ինչպես նաև դիմակներ և հագուստ՝ քիմիական պաշտպանության համար, հայտնել է երկրի պաշտպանության նախարարությունը։

Գերատեսչությունում հայտնել են, որ Ճապոնիան մտադիր է շարունակել Ուկրաինային հնարավոր աջակցություն ցուցաբերելը։

Kyodo գործակալության փոխանցմամբ, Ուկրաինան նաև դիմել էր զենք, այդ թվում՝ հրթիռներ ստանալու խնդրանքով, սակայն մերժում էր ստացել. Տոկիոն համարում է, որ նման մատակարարումները կխախտեն՝ արտերկիր զենքի մատակարարման հետ կապված սկզբունքները։