Ռուսները պատրաստվում են վճռական ճակատամարտի. Ուկրաինայի հետախուզություն

Ռուսները ինտենսիվ կերպով պատրաստվում են վճռական ճակատամարտին, որը ծավալվելու է Ուկրաինայի արևելքում՝ փորձելով հասնել մինչև Զատիկը (ուղղափառ եկեղեցին զատիկը նշում է առաքելական եկեղեցուց մեկ շաբաթ ուշ)։ Այսպիսի հայտարարություն է արել Ուկրաինայի ռազմական հետախուզության ղեկավար Կիրիլ Բուդանովը։

«Ռուսները պատրաստվում են վճռական ճակատամարտին, նրանք շատ են շտապում, քանի որ նրանց համար ժամանակը շատ սահմանափակ է, նրանք իսկապես ցանկանում են ժամանակին ունենալ գոնե ինչ-որ մարտավարական առավելություն և իրական մարտավարական նվաճումներ, որոնք կարող են ցույց տալ, թե ինչ-որ չափով Ռուսաստանն այս «օպերացիայից» հաղթող դուրս կգա։ Նրանք շտապում են՝ մինչև Զատիկ»,- Բուդանովի խոսքը մեջբերում են ուկրաինական լրատվամիջոցները։

Բուդանովը վստահեցնում է, որ ռուսներին չի հաջողվի, ժամանակ չեն ունենա, և Ուկրաինան կդիմակայի: Միաժամանակ, ըստ Բուդանովի, ռուսները կարող են ժամանակավոր մարտավարական հաղթանակներ ունենալ։