«Մոսկվա»-ն խորտակվեց

«Մոսկվա» հրթիռային հածանավը, որը վնասվել էր զինամթերքի պայթյունի պատճառով, քարշակման ժամանակ խորտակվել է, հայտնել են ՊՆ-ից։

«Մոսկվա հածանավը դեպի նշանակման նավահանգիստ քարշակելիս վնասված կորպուսի պատճառով կորցրել է կայունությունը։ Ծովի փոթորկոտ ալիքների պայմաններում նավը խորտակվել է»,– հայտնել է ռազմական գերատեսչությունը։

Ապրիլի 14-ի գիշերը ՌԴ ՊՆ-ը հայտնել է, որ հրդեհ է բռնկվել «Մոսկվա» հածանավի վրա, ինչի հետևանքով զինամթերքը պայթել է։ Անձնակազմն ամբողջությամբ տարհանվել է։ Միաժամանակ հիմնական հրթիռային սպառազինությունը չի վնասվել, բռնկման աղբյուրը տեղայնացվել էր, իսկ նավը մնացել էր ջրի վրա։