Ռուսաստանում կնոջը ոստիկանություն են կանչել դեղին և կապույտ մատնահարդարման համար

Ռուսաստանում իրավապահները կանխարգելիչ զրույցի են կանչել Յալթայի բնակչուհուն՝ նրա «սոցիալապես վտանգավոր» մատնահարդարման պատճառով, գրում է Rosbalt-ը։

Հաղորդագրության համաձայն՝ փաստաթղթերի կառավարման, թարգմանությունների և թղթաբանության ոլորտում աշխատող 46-ամյա կինը մատնահարդարում է արել դեղին և կապույտ գույներով, ինչպես Ուկրաինայի դրոշի գույներն են։ Դա նկատել է մի այցելու, ով բողոքել է ոստիկանություն։

Զրույցի ընթացքում կինը ոստիկաններին պատմել է, որ 2021 թվականին դարձել է Ռուսաստանի քաղաքացի, մինչ այդ եղել է Ուկրաինայի քաղաքացի։ Նրա խոսքով՝ ինքը առանձնապես չի կարևորել ներկի գույները: