Google Translate-ում շտկվել է ռուսների մասին բառակապակցության «սխալը»

Google Translate թարգմանչական ծառայությունը շտկումներ է մտցրել և այլևս ռուս օգտատերերին չի առաջարկվում «սիրելի ռուսներ» («дорогие россияне») արտահայտությունը փոխարինել «մեռած ռուսներ» («dead russians») արտահայտությունով:

«Սխալը շտկվել է»,- ՏԱՍՍ-ին հայտնել են ընկերության մամուլի ծառայությունից։

Ավելի վաղ Ռոսկոմնադզորը Google-ից պահանջել էր միջոցներ ձեռնարկել իրավիճակը շտկելու համար՝ բացատրելով, որ ծառայությունում հայտնաբերել է «ծայրահեղական բնույթի խախտում»։ «Որոնման հարցումների համար նման առաջարկներ չեն եղել, երբ նշվել են այլ ազգություններ», - ընդգծել է կարգավորիչը: