Շրի Լանկայում բողոքի զանգվածային ցույցեր են

Շրի Լանկայում հազարավոր բնակիչներ դուրս են եկել մայրաքաղաքի փողոցներ՝ պահանջելով նախագահ Գոտաբայ Ռաջապակսայի հրաժարականը: Ցուցարարները նրան մեղադրում են տնտեսական ճգնաժամի պայմաններում պետության խնդիրները լուծելու անկարողության մեջ։

Ցուցարարները նշում են, որ նախագահի պաշտոնավարման ժամանակահատվածում երկրում իրավիճակը զգալիորեն վատթարացել է։

Շրի Լանկան բախվել է վառելիքի և առաջին անհրաժեշտության ապրանքների դեֆիցիտի: Չնայած շարունակվող ցույցներին՝ նախագահը մտադիր չէ հրաժարական տալ. նա դիմել է Չինաստանին և Հնդկաստանին՝ վարկեր տրամադրելու խնդրանքով: