Ռուսաստանը չեղարկել է դեպի 52 երկիր թռիչքների արգելքը

«Ապրիլի 9-ից Ռուսաստանը չեղարկում է դեպի 52 երկիր թռիչքների սահմանափակումները, որոնք ներդրվել են համաճարակի ֆոնին, այդ թվում՝ դեպի Արգենտինա, Հնդկաստան, Չինաստան, Հարավային Աֆրիկա և մի շարք այլ երկրներ»։ Այս մասին հայտարարել է Ռուսաստանի Դաշնության վարչապետ Միխայիլ Միշուստինը:

Նրա խոսքով՝ համապատասխան փաստաթուղթն ստորագրվել է երկուշաբթի՝ ապրիլի 4-ին։ Միշուստինը նշել է, որ COVID-19-ի դեպքերը նվազում են, և դա թույլ է տալիս ընդլայնել այն ուղղությունները, որոնցով ռուսական ավիաընկերությունները կսկսեն թռիչքներ իրականացնել։ Վարչապետը նաև հիշեցրել է, որ ավելի վաղ հնարավոր էր առանց սահմանափակումների մուտք գործել 15 երկիր, այդ թվում՝ Եվրասիական տնտեսական միության մի շարք պետություններ, Քաթար, Մեքսիկա և այլն։