«Ծնողներին բաժանում են երեխաներից». ռուսները Մարիուպոլից տարել են մինչև 40 հազար բնակչի

Մարիուպոլից այսպես կոչված «կանաչ միջանցքներով» դուրս է բերվել մոտ 40 հազար տեղաբնակ: Նրանք տարվել են Ռուսաստանի Դաշնություն կամ ինքնահռչակ Դոնեցկի Ժողովրդավար Հանրապետություն:

Այս մասին հայտարարել է Ուկրաինայի Գերագույն Ռադայի մարդու իրավունքների հանձնակատար Լյուդմիլա Դենիսովան։

«Տեղահանվածների հաշվումը բարդանում է նրանով, որ մարդկանց ձեռքից խլում են ուկրաինական փաստաթղթերը»,- ասել է նա։

Դենիսովայի խոսքով՝ քաղաքը գրաված ռուսական ուժերը ծնողներին բաժանում են երեխաներից։ Ավելին, հիվանդանոցից տարել են 17 երեխայի, ովքեր բուժում էին ստանում։ Նրանց ծնողները մնացել են, իսկ երեխաներին տարել են Զապորոժիե։