Մոսկվան բացատրել է՝ ինչպես են ուկրաինական ուղղաթիռները կարողացել ներխուժել ու պայթեցնել նավթաբազան

ՀՕՊ համակարգերը չեն կարողացել արձանագրել ուկրաինական ուղղաթիռների շարժը, որոնք հարվածներ են հասցրել Բելգորոդի նավթային պահեստին, քանի որ դրանք շատ ցածր էին թռչում, ասել է Դաշնային խորհրդի միջազգային կոմիտեի ղեկավարի առաջին տեղակալ Վլադիմիր Ջաբարովը Moskva Speaks ռադիոկայանին

Նրա խոսքով, հակաօդային պաշտպանության համակարգերն ու ռադարները նկատում են օդային թռչող օբյեկտներն ավելի բարձր տարածության վրա, մեծ մասամբ դրանք պաշտպանում են հրթիռներից և ինքնաթիռներից։

Միևնույն ժամանակ, Ջաբարովը կոչ է արել պատասխան հարված հասցնել ռազմական օդանավակայանին, որտեղից ուղղաթիռները թռել են Բելգորոդ»։

Ավելի վաղ հայտնել ենք, որ Ուկրաինայի զինված ուժերի երկու ուղղաթիռները երկու ավիահարված են հասցրել Բելգորոդում, ինչի արդյունքում հրդեհ է բռնկվել քաղաքի նավթային պահեստում։