Ռոսկոմնադզորն սպառնացել է Wikipedia-ին տուգանել

«Ռոսկոմնադզորը» վարչական իրավախախտման մասին հաղորդում կկազմի Wikipedia ինտերնետային պորտալի նկատմամբ կեղծ տեղեկատվությունը չհեռացնելու համար, ըստ որի, կայքի սեփականատիրոջն սպառնում է մինչև 4 միլիոն ռուբլի տուգանք, հայտնում է գերատեսչության մամուլի ծառայությունը։

«Ռոսկոմնադզորը ծանուցում է ուղարկել ինտերնետային ռեսուրսի ադմինիստրացիային՝ անհապաղ հեռացնելու Ուկրաինայում ՌԴ ԶՈւ հատուկ ռազմական գործողության թեմայի վերաբերյալ ոչ ճշգրիտ տեղեկատվությունը, որի նպատակն է ապատեղեկացնել ռուս օգտատերերին»,- ասվում է հաղորդագրության մեջ։
Մարտի սկզբին Ռոսկոմնադզորը սպառնացել էր Wikipedia-ին արգելափակել «Ռուսաստանի ներխուժումն Ուկրաինա (2022)» հոդվածը։ Գերատեսչության ծանուցման մեջ նշվում է, որ նյութը պարունակում է տեղեկություններ «Ռուսաստանի Դաշնության զինվորականների, ինչպես նաև Ուկրաինայի խաղաղ բնակչության, այդ թվում՝ երեխաների շրջանում բազմաթիվ զոհերի և «Ռուսաստանի Դաշնությունում բանկային հաշիվներից միջոցներ հանելու անհրաժեշտության մասին՝ պատժամիջոցների հետ կապված»։

Wikimedia RU շահույթ չհետապնդող գործընկերության գործադիր տնօրեն Ստանիսլավ Կոզլովսկին RBC-ին ասել է, որ իր համար պահանջները լիովին պարզ չեն և առաջարկել է, որ գլխավոր դատախազությունն ուսումնասիրի հոդվածի ավելի հին տարբերակը:

Wikipedia-ն վստահեցնում է, որ բոլոր կասկածելի հայտարարություններն ու զգացմունքային գնահատականներն անհապաղ հեռացվել են։