«Ռուսական հարձակման մասին մենք գիտեինք դեռ նոյեմբերին». Ուկրաինայի հետախուզության ղեկավար

Ուկրաինայի պաշտպանության նախարարության հետախուզության գլխավոր վարչության պետ, բրիգադային գեներալ Կիրիլ Բուդանովը հայտնել է, որ Ուկրաինան դեռևս գիտեր անցյալ տարվա նոյեմբերից Ռուսաստանի կողմից հարձակման նախապատրաստման մասին, փոխանցում է ՈՒՆԻԱՆ-ը։

«Ռազմական գործողությունների բռնկումից առաջ և հետո Ռուսաստանի աղբյուրները ուկրաինական հետախուզությանը շատ տեղեկություններ են տրամադրել Ռուսաստանի պլանների մասին»,- ասել է Բուդանովը՝ հավելելով, որ խոսքը նաև Կրեմլի աղբյուրների մասին է։

«Մենք ունենք աղբյուրներ, շատ աղբյուրներ, որոնք աշխատում են մեզ համար: Բանակում, քաղաքական շրջանակներում, ինչպես նաև նախագահի աշխատակազմում։ Հաջող քիբերհետախուզական գործողության շնորհիվ Ուկրաինան կարողացավ մուտք գործել նաև Ռուսաստանի ռազմական պաշտպանության ամբողջ համալիր։ Ստացված տվյալների շնորհիվ Կրեմլի ծրագրերը խափանվեցին»,- ասել է նա։