«F-16-ների մատակարարման շուրջ բանակցությունները հաջող են անցել». Հուլուսի Աքար

«Թուրքիային F-16 կործանիչներ մատակարարելու շուրջ թուրքական և ամերիկյան պատվիրակությունների բանակցությունները դրական և կառուցողական են եղել»,- այս մասին հայտարարել է հանրապետության ազգային պաշտպանության նախարար Հուլուսի Աքարը, փոխանցում է CNN Turk-ը։

Նա նշել է, որ բանակցություններ է վարել ԱՄՆ պաշտպանության նախարար Լլոյդ Օսթինի հետ։

«Հետո երկու անգամ պատվիրակություններ ուղարկեցին Թուրքիա, այս պատվիրակությունները հանդիպեցին, զրուցեցին մեր պատվիրակությունների հետ։ Պատվիրակությունների միջև բանակցությունները շատ դրական և կառուցողական էին։ Պատվիրակության անդամները՝ ամերիկացիները, ասացին, որ այստեղ մեր աշխատանքն ու պահանջները խելամիտ են, տրամաբանական, և իրենք դրանց աջակցում են»,- ասել է նա։

Հիշեցնենք, որ ավելի վաղ Վաշինգթոնը պաշտոնական ծանուցում էր ուղարկել Անկարային F-35 մատակարարման ծրագրից իր բացառման մասին: ԱՄՆ-ը չեղյալ հայտարարեց F-35-ի վերաբերյալ համատեղ հուշագիրը, որը Թուրքիան ստորագրել էր 2007 թվականի հունվարին։ Թուրքիայի նախագահը հայտնել է, որ չեղարկումից հետո ԱՄՆ-ն իր երկրին առաջարկել է գնել F-16 կործանիչներ։