Ուկրաինան խնդրում է անջատել Ռուսաստանը GPS-ից

Ուկրաինայի նախագահ Վլադիմիր Զելենսկին կոչ է արել G7 երկրներին անջատել Ռուսաստանին GPS ծառայություններից և ամբողջությամբ արգելափակել նրա ֆինանսական համակարգը։

«Մեզ պետք է Ռուսաստանի հետ առևտրի ամբողջական էմբարգո, մենք պետք է Ռուսաստանին զրկենք պատերազմում GPS օգտագործելու հնարավորությունից։ Շատ կարևոր է, որ այս համակարգը չօգնի ռուսական հրթիռներին և ռումբերին՝ ոչնչացնել խաղաղ քաղաքները»,- ասել է Զելենսկին։

Նա ընդգծել է, որ ռուսական բանկերը և Ռուսաստանի Կենտրոնական բանկը պետք է ստանան ամբողջական արգելափակում համաշխարհային ֆինանսական համակարգից։

«Նրանք պետք է ընդհանրապես մնան առանց փողի, և նրանց սառեցված ակտիվները պետք է վերածվեն, մասնավորապես, Ուկրաինայի վերականգնման համար հատուցումների», - շարունակել է Զելենսկին։