Ռուսաստանում արգելափակվել են S.T.A.L.K.E.R.-ի և այլ խաղերի կայքերը

Փետրվարի 24-ին ՌԴ Գլխավոր դատախազության պահանջով Ռոսկոմնադզորն արգելափակել է ուկրաինական GSC Game World ընկերության կայքը։

Ընկերությունն զբաղվում էր S.T.A.L.K.E.R., «Ալեքսանդր», «Կազակի», «Կործանված կայսրությունների հերոսները» խաղերի սերիաների մշակմամբ:

Մարտի 15-ին ծրագրավորողը հայտարարեց, որ դադարեցնում է իր խաղերի վաճառքը Ռուսաստանում։ Բացի այդ, ընկերությունը հայտնել է, որ նախնական պատվերով գնված խաղերը չեն մատակարարվի, իսկ գումարը կվերադարձվի: Ընկերությունը, սակայն, խոստացել է տրամադրել խաղերի թվային տարբերակները։
Տեսախաղերի որոշ այլ ընկերություններ նույնպես որոշել են դադարեցնել խաղերի վաճառքը Ռուսաստանում։ Օրինակ, դա արել է FIFA-ի և Sims Electronic Arts-ի մշակողը, ինչպես նաև Activision Blizzard-ը, որին պատկանում են Call of Duty, Diablo, Overwatch, World of Warcraft-ի իրավունքները։ Epic Games-ը, որը Fortnite-ի, Battle Breakers-ի և Unreal-ի ստեղծողն է, որոշել է դադարեցնել առևտրային հարաբերությունները Ռուսաստանի հետ, սակայն չի արգելափակել խաղերի հասանելիությունը։ Sony Interactive Entertainment ընկերությունը դադարեցրել է իր PlayStation կոնսուլների և խաղերի վաճառքը Ռուսաստանում: