Բերդյանսկում խոցված նավերի հրամանատարները Ուկրաինայի դավաճաններ էին

Հինգշաբթի առավոտյան Ուկրաինայի զինված ուժերի հարձակման հետևանքով Բերդյանսկում խոցված ռուսական երկու դեսանտային նավերի հրամանատարներն Ուկրաինայի դավաճաններ են, ովքեր հակառակորդի կողմն են անցել 2014թ-ն: Այս մասին, ըստ «Ուկրաինսկայա պրավդա»-ի, հայտնում է Ուկրաինայի ռազմածովային ուժերի մամուլի ծառայությունը։

Հրամանատար, 2-րդ աստիճանի կապիտան Վլադիմիր Խրամչենկովը 2014 թվականին դավաճանել է երդումը և անցել Ռուսաստանի կողմը: Նրա ընկեր, 2-րդ աստիճանի կապիտան Յուրի Պավլովը, Նովոչերկասկի օդադեսանտային ուժերի հրամանատարը, դավաճանության պահին Կոնստանտին Օլշանսկի օդադեսանտային ուժերի հրամանատարի ավագ օգնականն է եղել:

Ըստ ռազմածովային ուժերի, հարվածի հետևանքով «Սարատով»-ում հրդեհ է բռնկվել, ռազմանավը պայթել է։

«Մենք դիմում ենք այս երկու դավաճաններին՝ ձեզ մնում է միակ հնարավորությունը՝ գոնե մի փոքր սպիտակեցնելու ձեր խիղճը, ավելի լավ է ինքներդ խորտակեք ձեր նավերը, մենք ձեզ նույնիսկ ինչ-որ վարձատրություն կտանք դրա համար։ Հակառակ դեպքում նորից մոտեցեք ուկրաինական ափերին, դուք Օրսկի անձնակազմի հետ միասին կկերակրեք մեր ազովյան գոբիներին»,- ասվում է հաղորդագրությունում։