Ռուս մարմնամարզիկին պահանջել են որակազրկել մարզահագուստի Z տառի համար

Մարմնամարզության միջազգային ֆեդերացիան (FIG) կոչ է արել մեկ տարով որակազրկել ռուս մարմնամարզիկ Իվան Կուլյակին և Ռուսաստանի հավաքականի երկու մարզիչներ Վալենտինա Ռոդիոնենկոյին և Իգոր Կալաբուշկինին։ Այս մասին ՏԱՍՍ-ին հայտնել է Ռոդիոնենկոն, ով Ռուսաստանի պատվիրակության ղեկավարն էր Կատարի մրցաշարում:

Աշխարհի գավաթի խաղարկության փուլում, որը տեղի է ունեցել մարտի սկզբին Դոհայում, Կուլյակը գրավել է երրորդ տեղը։ Նա մրցանակաբաշխությանը ներկայացել է Z տառով համազգեստով, մրցույթում հաղթել է ուկրաինացի Իլյա Կովտունը։