Պեսկով, Սոլովյով, Սիմոնյան, Էռնստ և Դերիպասկա... Կանադան կրկին պատժամիջոցներ է սահմանել

Կանադայի իշխանությունները պատժամիջոցներ են սահմանել ռուսաստանցի ևս 10 անձի նկատմամբ՝ Ուկրաինայում հատուկ ռազմական գործողության պատճառով։ Այս մասին երկուշաբթի օրը կայացած մամուլի ասուլիսում հայտարարել է Կանադայի վարչապետ Ջասթին Թրյուդոն։

«Այսօր Կանադան հայտարարում է նոր պատժամիջոցների մասին 10 անձանց նկատմամբ, ովքեր ներգրավված են այս անհիմն ներխուժման մեջ: Ցուցակում ընդգրկված են նախկին և ներկա բարձրաստիճան պաշտոնյաներ, օլիգարխներ և Ռուսաստանի ղեկավարության կողմնակիցներ»,- ասել է նա։ Թրյուդոն չի նշել անունները, սակայն նշել է, որ դրանք վերցված են ցուցակից, որը նախկինում կազմել է Ալեքսեյ Նավալնին, ով այժմ բանտարկված է Ռուսաստանում։

Հրապարակված փաստաթղթի համաձայն՝ Կանադան պատժամիջոցներ է կիրառել Պեսկովի, Սոլովյովի, Սիմոնյանի, Էռնստի և Դերիպասկայի նկատմամբ։