«Ռոսկոմնադզոր»-ը Ռուսաստանում արգելափակել է «Ամերիկայի ձայնը», #Meduza-ն, #BBC-ն, #DW-ն և այլն

Ռուսաստանի Դաշնությունում արգելափակվել են արտասահմանյան ԶԼՄ-ներին պատկանող մի շարք տեղեկատվական ռեսուրսներ, ինչպես նաև դրանց նախագծերը՝ Ուկրաինայի տարածքում տեղի ունեցող իրադարձությունների մասին «կեղծիքներ տարածելու համար», հայտնել է Ռոսկոմնադզորը։

«Հիմք ընդունելով Գլխավոր դատախազության խնդրանքը՝ Ռոսկոմնադզորը սահմանափակել է մի շարք տեղեկատվական ռեսուրսների հասանելիությունը, որոնք պատկանում են օտարերկրյա լրատվամիջոցներին, այդ թվում՝ Ռուսաստանում օտարերկրյա գործակալներ ճանաչվածներին:
Արգելափակվել են «Ամերիկայի ձայն»-ը (Ռուսաստանի Դաշնության Արդարադատության նախարարության կողմից ներառված է լրատվամիջոցների օտարերկրյա գործակալների ռեգիստրում), BBC-ն, DW-ն, Meduza-ն (ներառված է Արդարադատության նախարարության կողմից մեդիա-օտարերկրյա գործակալների ռեգիստրում», «Ազատ Եվրոպա/Ազատություն» ռադիոկայանը (Ռուսաստանի Դաշնության Արդարադատության նախարարության կողմից ներառված է լրատվամիջոցների ռեգիստրում. օտարերկրյա գործակալներ) և նրանց նախագծերը, ինչպես նաև մի շարք այլ տեղեկատվական ռեսուրսներ»:

Գերատեսչությունը բացատրել է, որ Ռուսաստանի Դաշնության տարածքում այդ տեղեկատվական ռեսուրսների հասանելիությունը սահմանափակելու պատճառը եղել է «Ուկրաինայի տարածքում հատուկ ռազմական գործողության էության, դրա ձևի, մեթոդների վերաբերյալ կեղծ տեղեկատվության համակարգված հիմունքներով տարածումը»: