Կիևը համաձայնել է բանակցություններ վարել Գոմելում

ՌԴ պատվիրակության ղեկավար Վլադիմիր Մեդինսկին հայտարարել է, որ Կիևը համաձայնել է բանակցություններ վարել Գոմելում, ռուսական պատվիրակությունը գնում է այնտեղ։ Ավելի վաղ, ռուսական պատվիրակությունը ժամանել էր Բելառուս՝ ուկրաինական կողմի հետ բանակցությունների։ Ուկրաինայի նախագահ Վլադիմիր Զելենսկին ասել էր, որ Կիևը չի պատրաստվում Բելառուսի տարածքում բանակցություններ վարել և պահանջել է փոխել հանդիպման վայրը։