ՌԴ ԱԳՆ-ն անընդունելի է համարել Ուկրաինայի հետ պատերազմի գաղափարն անգամ
Ռուսաստանն անընդունելի է համարում Ուկրաինայի հետ պատերազմ սկսելու գաղափարն անգամ, այս մասին հինգշաբթի օրը կայացած ճեպազրույցում ասել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Զայցևը։ «Մենք բազմիցս հայտարարել ենք, որ մեր երկիրը չի պատրաստվում հարձակվել որևէ մեկի վրա։ Մենք անընդունելի ենք համարում նույնիսկ պատերազմի գաղափարը մեր ժողովուրդների միջև»,- ասել է նա։ Ռուսաստանը հուսով է, որ ՆԱՏՕ-ի երկրները զերծ կմնան Ուկրաինայի ներքին գործերին միջամտելուց, հավելել է Զայցևը։ «Մենք հուսով ենք, որ ՆԱՏՕ-ի երկրները կդադարեն հակամարտություն հրահրել Արևելյան Ուկրաինայում, զերծ կմնան այս երկրի ներքին գործերին միջամտելուց, ինչը թույլ կտա ուկրաինական կողմերին լուծել իրենց տարաձայնությունները միմյանց հետ ուղիղ երկխոսության միջոցով»,- ասել է նա։ Դիվանագետի խոսքով՝ անցած շաբաթը հստակ ցույց տվեց Ռուսաստանի և Ուկրաինայի միջև հակամարտության արհեստականությունը, որը սրվում է առանձին երկրների կողմից։ Մոսկվան համոզված է, որ առանց Արևմուտքի «օգնության» Ռուսաստանի և Ուկրաինայի հակամարտությունը վաղուց լուծված կլիներ, ասել է Զայցևը։ «Մենք հուսով ենք, որ երկու շաբաթից Բեռլինում ծրագրված հաջորդ հանդիպմանը (նորմանդական քառյակի առաջնորդների քաղաքական խորհրդականների-խմբ.) մենք կկարողանանք լուծումներ գտնել 7 տարվա ընթացքում կուտակված խնդիրներին և Դոնբասի կարգավիճակի հարցը առաջ կշարժվի մեռյալ կետից»,- եզրափակել է նա։ |
«Այժմ թրենդային է հակառուսականությունը, և Գյուրջինյան Դավիթն առաջարկում է փոխել Բրյուսովի համալսարանի անունը». Հեքիմյան
4818:36«Խոշտանգման ժամանակ Սամվել Վարդանյանը ձեռնաշղթայված է եղել, ոստիկաններից մեկն էլ բերանն է փակել». Վ. Հարությունյան (տեսանյութ)
6217:48«Փառապանծ անցյալով հիմնարկից մնացին միայն իզն ու թոզը»․ Արթուր Խաչատրյան
6717:24«Պայքարը թևակոխում է նոր փուլ». Սուրեն Պետրոսյան (տեսանյութ)
7816:30«Հանրայինը խուսափել է եկեղեցականներին առիթ ընձեռել՝ հակադարձելու մեղադրանքներին»․ Տեր Եսայի քահանա Արթենյան
7816:24«Ակցիան կշարունակվի հաջորդ հինգշաբթի»․ Չախալյան
8914:30