«Հայկական երդիկով բնակարանի կտրվածք»․ Սուքիաս Թորոսյան

Ծաղրանկարիչ, նկարիչ Սուքիաս Թորոսյանը ֆեյսբուքյան իր էջում հրապարակել է լուսանկար և կից գրել. «Հայկական երդիկով բնակարանի կտրվածք 1875 թվ. տպագրված (Brochhaus, Leipzig)։ ԵՐԴԻԿ-բնիկ հայ բառ, որ նշանակում է տուն, տնավոր, տնեցիք, տանիքի լուսամուտ, վառարան։ Այս բառի արմատն է երդ, կամ հրդ, որից էլ փոխառել է արևմուտքը hearth։ Թողնելով զուտ հայկական բառը, այսօր օգտագործում ենք թրքական օջախը (ուզբ.՝ o'choq, ղրղզ.՝ очок, ղազ.՝ ошақ, ռուս.՝ очаг.....) Շարունակեք դեգրադացնել լեզուն ձեր կարգախոսներում։ Հաջորդը, որ տեսնում ենք նկարում, դա գահն է, որ նշանակում է բարձր նստարան, գահակ, նստարան, տախտ /տախտակ/, մահճակալ....մի խոսքով հին ձևն է գահույք։ Պատի վրա խորշերը կոչվել են խորաններ, որ այժմ միայն եկեղեցիներում է օգտագործվում։ Մեր տունը եղել է դրախտի փոքր մոդելը, իր բազմադարյան ավանդույթներով»։