Թբիլիսիում տեղի է ունեցել «Ֆրունզիկ Մկրտչյան. Հնդկաստանը հիշում է ինձ» ֆիլմի ցուցադրությունը

2021թ. հոկտեմբերի 21-ին Թբիլիսիի Ամիրանի կինոթատրոնում Վրաստանում ՀՀ դեսպանության աջակցությամբ տեղի է ունեցել ֆիլմի հեղինակ և պրոդյուսեր Դավիթ Բեժիտաշվիլիի «Ֆրունզիկ Մկրտչյան. Հնդկաստանը հիշում է ինձ» («Frunzik Mkrtchyan: India Remembers Me») վավերագրական ֆիլմի ցուցադրությունը։ Ֆիլմը պատմում է մեծանուն հայ դերասան Մհեր (Ֆրունզիկ) Մկրտչյանի՝ հնդկական ֆիլմերում ունեցած դերակատարումների մասին։ Ֆիլմի պրեմիերան կայացել էր 2021թ. օգոստոսի 14-ին Երևանի «Մոսկվա» կինոթատրոնում։