«Հիմա ո՞վ փայ մտավ». Ռոբերտ Քոչարյան

«Պղնձամոլիբդենայինն այն կոմբինատն էր, որ անընդհատ իմ հետ էին կապում ու դա արվում էր «ՀԺ»-ի կողմից: Հիմա ո՞վ փայ մտավ: Երևի ՀՀ պատմության մեջ ամենից մութ գործարքն է՝ անհասկանալի տրամաբանությամբ: Չես հասկանում՝ ինչո՞ւ է ինչ-որ նվիրաբերություն արվում, ու այդ փայի կառավարումը փոխանցվում վարչապետի աշխատակազմին, աբսուրդ է. պետական բաժնեմասերը պետք է կառավարվեն ֆիննախի կամ էկոնոմիկայի նախարարության կողմից»,- ասուլիսի ժամանակ, անդրադառնալով Զանգեզուրի պղնձամոլիբդենային կոմբինատի շուրջ ընթացող զարգացումներին, հայտարարեց ՀՀ երկրորդ նախագահ Ռոբերտ Քոչարյանը: Նրա խոսքով՝ «սա կոռուպցիայի դրսևորում է, լկտիության հասնող երևույթ»: