«Խաղաղություն աշխարհին 2021» առցանց միջազգային երգչախմբային մրցույթի Գլխավոր մրցանակը Հայաստանինն է

Ամփոփվել են Վիեննայի հեղինակավոր՝ «Խաղաղություն աշխարհին 2021» միջազգային երգչախմբային մրցույթի (World Peace Choral Festival 2021) արդյունքները, որին հայ երգչախբերը պատվով են ներկայացրել Հայաստանը՝ գրավելով առաջին հորիզոնականները:

«Հայաստանի փոքրիկ երգիչներ» երգչախումբը մրցույթի երկրորդ՝ որոշիչ փուլում տարբեր կարգերում Գլխավոր մրցանակ շահած 14 երգչախմբերի մեջ ճանաչվել է լավագույնն ու բացարձակ հաղթող, որի շնորհիվ Grand Prix I տեղը շնորհվել է Հայաստանին:
«Հովեր» պետական կամերային երգչախումբն ու և «ԱՐԱՐ» երգչախումբն առաջին փուլում յուրաքանչյուրն իր կարգում Ոսկե մեդալ է շահել:
«Գեղարդ» երգեցիկ խումբը և «Հայաստանի փոքրիկ երգիչներ» երգչախումբըն առաջին փուլում յուրաքանչյուրն իր կարգում Ոսկե մեդալ և Գլխավոր մրցանակ (Grand Prix) է նվաճել, ինչպես նաև՝ II փուլում լավագույնի տիտղոսի համար մրցելու իրավունքին արժանանացել: