Բաբաջանյանի ծննդյան 100-ամյակին նվիրված միջոցառումներ՝ մայրաքաղաքի հրապարակներում ու այգիներում

Կոմպոզիտոր, դաշնակահար, մանկավարժ, Խորհրդային Միության և ՀԽՍՀ ժողովրդական արտիստ Առնո Բաբաջանյանի ծննդյան 100-ամյակին նվիրված հոբելյանական միջոցառումների շրջանակում ՀՀ կրթության, գիտության, մշակույթի և սպորտի նախարարության աջակցությամբ Հայաստանի պետական ֆիլհարմոնիան մայրաքաղաքի մի շարք հրապարակներում և այգիներում կիրականացնի բացօթյա 6 համերգ:

Համերգները տեղի կունենան հուլիսի 3-9-ը «Բաբաջանյանը Երևանում» խորագրի ներքո: Համերգների ընթացքում կներկայացվեն Առնո Բաբաջանյանի ստեղծագործությունները:

Համերգների անցկացման ժամանակացույց

03.07.2021-04.07.2021, 19:00-22:00- Կենտրոն վարչական շրջան/Առնո Բաբաջանյանի արձանի հարակից տարածք
06.07.2021, 19:00-22:00- Նոր Նորք վարչական շրջան/Թաթուլ Կրպեյանի անվան զբոսայգի
07.07.2021, 19:00-22:00- Շենգավիթ վարչական շրջան/Գարեգին Նժդեհի հրապարակ
08.07.2021, 19:00- 22:00- Էրեբունի վարչական շրջան/Վարդավառի լճի հարակից տարածք
09.07.2021, 19:00-22:00- Աջափնյակ վարչական շրջան/Թումանյանի անվան զբոսայգի: