«Հ1-ը, կարծեմ, փառատոնի ինֆորմացիոն գործընկերն էր, որին չեմ տեսնում դահլիճում»․ Արման Նավասարդյան

Համազգային թատրոնը վերադարձել է մոսկովյան հյուրախաղերից, որտեղ «Փափլիկը» ներկայացմամբ մասնակցել է Չեխովյան 15-րդ միջազգային փառատոնին։ Այսօր՝ ասուլիսի ժամանակ, Սոս Սարգսյանի անվան համազգային թատրոնի տնօրեն Արման Նավասարդյանը փառատոնի վերաբերյալ խոսելիս, նշեց, որ այն լուսաբանվել է մի շարք հեղինակավոր լրատվամիջոցների կողմից։

«Ուզում եմ ասել, որ մեր՝ փառատոնին ներկա լինելու ամբողջ ընթացքին հետևել է Ռուսաստանի Առաջին ալիքը, «Կուլտուրա» հեռուստաալիքը և Հ1-ը, կարծեմ, փառատոնի ինֆորմացիոն գործընկերն էր, որին չեմ տեսնում այսօր այս դահլիճում»,- նկատեց նա։

Նավասարդյանի խոսքով՝ պետք էր մեծ հետաքրքրություն ցուցաբերվեր իրենց՝ փառատոնին մասնակցությանը։

«Դահլիճը պետք է լիքը լիներ, բազմաթիվ լրագրողներ պետք է լինեին․․․Երևի մեզ պետք է չէ էս ամեն ինչը»,- նշեց Նավասարդյանը։