Երևան`   +7 °C
Այսօր`   Երկուշաբթի, 16 նոյեմբերի, 2026 թ.

Արցախում կմշակվի գյուղատնտեսության զարգացման նոր հայեցակարգ

253
Հինգշաբթի, 06 մայիսի, 2021 թ., 18:52
Արցախում կմշակվի գյուղատնտեսության զարգացման նոր հայեցակարգ

Արցախի նախագահ Արայիկ Հարությունյանն այսօր գյուղատնտեսության ոլորտի պատասխանատուների ու շրջանային վարչակազմերի ղեկավարների մասնակցությամբ անցկացրել է աշխատանքային խորհրդակցություն:

Արցախի նախագահի աշխատակազմը հայտնում է, որ խորհրդակցության ընթացքում քննարկվել են Արցախի գյուղատնտեսական առկա ներուժի հնարավորինս արդյունավետ օգտագործմանն առնչվող հարցեր:

Արայիկ Հարությունյանի խոսքով՝ պատերազմի հետևանքով ստեղծված իրավիճակում անհրաժեշտ է փոխել մոտեցումները գյուղատնտեսական ոլորտի խնդիրների լուծման նկատմամբ և մշակել զարգացման նոր ռազմավարություն:

Արցախի նախագահի հանձնարարությամբ առաջիկա ամիսներին կմշակվի գյուղատնտեսության զարգացման նոր հայեցակարգ, որի հիմքում կլինեն 35 հազար հեկտար գյուղատնտեսական նշանակության հողերի նպատակային և ռացիոնալ օգտագործումը, տեղական գյուղարտադրանքով ներքին պահանջարկի բավարարումը և արտահանման հնարավորությունների ստեղծումը: