Երևան`   +7 °C
Այսօր`   Երկուշաբթի, 16 նոյեմբերի, 2026 թ.

Կառավարությունն ԱԺ է ներկայացրել ԵԱՏՄ-ի և Սերբիայի միջև ազատ առևտրի մասին համաձայնագրի վավերացման հարցը

318
Ուրբաթ, 16 ապրիլի, 2021 թ., 18:44
Կառավարությունն ԱԺ է ներկայացրել ԵԱՏՄ-ի և Սերբիայի միջև ազատ առևտրի մասին համաձայնագրի վավերացման հարցը

Այսօր ԱԺ-ում քննարկվեց Կառավարության ներկայացրած՝ «Եվրասիական տնտեսական միության և իր անդամ պետությունների՝ մի կողմից, և Սերբիայի Հանրապետության՝ մյուս կողմից, միջև ազատ առևտրի մասին» համաձայնագիրը վավերացնելու մասին հարցը:
«Հաշվի առնելով, որ Սերբիայի Հանրապետության հետ ԵԱՏՄ երեք երկրների՝ Ռուսաստանի, Բելառուսի և Ղազախստանի, կողմից արդեն կնքված էին երկկողմանի ազատ առևտրի համաձայնագրեր, որոշում է կայացվել կնքել ԵԱՏՄ-ի և Սերբիայի միջև ազատ առևտրի համաձայնագիր, որը կբերի բալանսավորված իրավիճակի»,- նախագիծը ներկայացնելիս ասաց Էկոնոմիկայի նախարարի տեղակալ Վարոս Սիմոնյանը։
Փոխնախարարի խոսքով՝ ԵԱՏՄ բոլոր անդամ երկրները կունենան նույնական շուկայի մատչելիություն դեպի Սերբիայի Հանրապետության շուկա: