Ավստրիան արգելում է խանութներ այցելել՝ առանց կորոնավիրուսի բացասական թեստի

Ավստրիայի առողջապահության նախարար Ռուդոլֆ Անշոբերը հայտարարել է, որ ապրիլի 7-ից խանութներ այցելելու համար կորոնավիրուսի բացասական թեստ է անհրաժեշտ:

Այժմ վարակի բացասական թեստ է անհրաժեշտ ներկայացնել ծառայությունների մատուցման այնպիսի ձեռնարկություններ այցելելիս, որտեղ նախատեսված է շփում հաճախորդի մարմնի հետ (վարսահարդարում, գեղեցկության սրահներ):
«Ապրիլի 7-ից մենք ցանկանում ենք անցնել խանութ մուտք գործելու համար թեստերի փուլին»,-ասել է Անշոբերը մամուլի ասուլիսի ժամանակ:
Նա հստակեցրել է, որ թեստն անհրաժեշտ կլինի բոլոր առևտրային կետեր այցելելու համար, բացառությամբ կենսական նշանակության՝ դեղատների և մթերային խանութների: